19-24 лютага 2024 года ў школе праходзіць Тыдзень беларускай мовы і літаратуры, гісторыі.
Тэма першага дня Тыдня - "Мяне Беларусь збеларушвае, чаруючы моваю шчыраю...". Ёй было прымеркавана адкрыццё Тыдня, афармленне інфармацыйнай прасторы школы. А яшчэ дадзены старт акцыі "Рускай мове дай разгрузку: размаўляй па - беларуску!"
У першы дзень Тыдня праходзіла віртуальная віктарына "Мая Беларусь". Каманды "Радзімічы" і "Крывічы", арганізаваныя з вучняў 5-8 класаў, прынялі актыўны ўдзел у інтэлектуальным спаборніцтве. Каб даведацца, наколькі добра вучні ведаюць сваю Беларусь, былі прапанаваны пытанні па наступных раздзелах: "Беларускі фальклор", "Гісторыя", "Вялікая Айчынная вайна", "Сімволіка РБ", "Сучасная Беларусь", "Прырода Беларусі". З перавагай усяго ў адзін бал перамогу атрымала каманда "Крывічы". Віктарына прайшла весела і цікава".
