http://janow.by/gazeta-yana-ski-kraj/nashi-rubriki/obrazovanie/svyata-pershaga-zvanka-adryzhynskaj-shkole
СВЯТА ПЕРШАГА ЗВАНКА Ў АДРЫЖЫНСКАЙ ШКОЛЕ
Автор: Super User. Дата публикации: .
Сённяшні восеньскі ранак стаў асаблівым для ўсіх вучняў краіны, якія ў святочным адзенні з кветкамі ў руках пакрочылі да крыніцы ведаў – кожны да сваёй. Адрыжынская сярэдняя школа таксама не стала выключэннем: амаль для 60 вучняў яна адчыніла свае дзверы. Сёння тут было вельмі людна, хораша і ўрачыста.
Першы раз прыйшлі на школьную лінейку сем хлопчыкаў і дзяўчынак.
Госці свята не раз звярталіся да іх з пажаданнямі цікавага падарожжа ў краіну ведаў.
Падчас свайго выступленя старшыня Іванаўскага райвыканкама Анатолій Уладзіміравіч Ткачук таксама звярнуў увагу на самых вопытных вучняў, адзінаццацікласснікаў, пажадаў ім поспехаў у навучанні, каб хутчэй вызначаліся са сферай, у якой хацелі б развівацца прафесійна ў будучым.
Дырэктару школы Іне Гарбуновай Анатолій Уладзіміравіч уручыў падарунак - сертыфікат на персанальны камп’ютар. Таксама з добрымі словамі і падарункамі адрыжынскіх школьнікаў у гэты значны дзень наведалі начальнік аддзела па адукацыі Іванаўскага райвыканкама Таццяна Пархамчук, старшыня Адрыжынскага сельвыканкама Уладзімір Клімук, намеснік дырэктара ААТ “Гарбаха” Ігар Шчэрбіч і настаяцель мясцовага храма протаіерэй Серафім Сянкоўскі.
Аліна Міхнавец.