З 19 па 23 верасня 2022 года ў ДУА"Адрыжыкская сярэдняя школа" прайшоў Тыдзень роднай мовы. Для вучняў быў падрыхтаваны шэраг мерапрыемстваў, у якіх яны з вялікім задавальненнем прымалі актыўны ўдзел. Вучні чыталі вершы, складалі мініяцюры, пісалі сачыненні, дыкламавалі ўласныя вершы. У сценах школы гучала беларускае слова, яно выхоўвала, падтрымлівала, натхняла і дарыла радасць. Мерапрыемствы спрыялі развіццю інтэлектуальных магчымасцей вучняў, іх творчых здольнасцей, выхаванню любові і павагі да роднай мовы, падтрымлівалі цікавасць да яе вывучэння. Мэты і задачы, якія былі вызначаны ў рамках Тыдня, былі дасягнуты.